PCP4NbS Special Fund for Nature-based Solutions: Site-based Grants for Davao (Bisaya)

Deadline sa Pagpasa: July 4, 2025

I. Pasiuna ug mga Tumong

Ang Pilipinas usa sa mga nasud nga pinakanakasinati sa dakong hulga sa pagbag-o sa klima. Naa kini sa typhoon belt ug sakop sa Pacific Ring of Fire, maong kanunay kini makasinati og mga natural nga kalamidad sama sa baha, bagyo, hulaw, ug pagbanlas sa yuta. Aron makaagwanta ug molambo bisan makasinati og krisis sa klima, kinahanglan mapadayon ang pagpalambo sa pangklimang kalig-on sa Pilipinas pinaagi sa komprehensibong dalan sa pagpaminus sa epekto sa pagbag-o sa klima ug sa pagpatuman og mga estratehiya sa pagpahiangay sa nag-usab nga klima.

Importante ang pagpahiangay sa kabag-ohan sa klima aron mabag-o ang kinabuhi sa mga Pilipino, ug mamugna ang dalan padulong sa kalig-on ug malahutayong kalamboan. Ang mga paningkamot sa pagpahiangay kinahanglan nakabase sa pagpalambo sa kolektibong pagsabot sa epekto sa klima, pagtukod sa kapasidad sa pagpatuman og mga lakang sa pagpahiangay, pagpalig-on sa suporta sa gobyerno pinaagi sa mga polisiya ug rekurso, ug pagsiguro nga walay mabilin sa proseso sa pagdesisyon pinaagi sa pakiglambigit sa mga kababayen-an ug lokal nga komunidad.

Sa konteksto sa mga hagit sa kalamboan sa usa ka nasud nga bahandianon sa nagkalain-laing buhi (biodiversity), nagpatuman ang Forest Foundation Philippines (“Forest Foundation” o “ang Foundation”) og Philippines-Canada Partnership on Nature-based Solutions (NbS) for Climate Adaptation (PCP4NbS) (“ang “Programa”), pinaagi sa pondo sa Gobyerno sa Canada. Mudagan ang programa gikan 2024-2028 ug mugasto og CA $8 Million aron makatabang sa pagpalambo sa kalig-on sa mga komunidad sa epekto sa pagbag-o sa klima, labi na ang mga rural ug Indigenous nga kababayen-an, samtang gisiguro nga makab-ot ang mga kaayohan gikan sa, ug para sa, kinaiyahan ug himsog nga ekosistema. Pinauyon sa mga prinsipyo sa International Union for Conservation of Nature (IUCN) Global Standard for Nature-based Solutions, ipasiugda sa programa ang mga katuyuan nga: pagpanalipod sa nagkalain-laing buhi (biodiversity conservation), pagpahiangay sa klima (climate adaptation), ug pagsiguro sa  pagkapatas sa mga kinatawhan (gender equality) sa pagdumala sa mga natural na bahandi (natural resource management o NRM).Gipili sa PCP4NbS Program ang Davao de Oro ug Davao Oriental isip usa sa mga prayoridad nga lugar. Mupokus ang Programa sa Sumlog-Cuabo River Watershed (Total Area: 67,762.50 ha), kung diin ang kalasangan adunay angay nga pinuy-anan sa mga agila. Gibahin ang watershed sa upat (4) ka munisipalidad/siyudad sa Davao Oriental ug duha (2) ka munisipalidad sa Davao de Oro, ug naglangkob sa 41.84 ka ektarya sa Protected Areas (PAs) ug 30,216.10 ka ektarya sa Key Biodiversity Areas (KBAs).

Figure 1. Logic Model of PCP4NbS

II. Ispesyal na Pondo (Special Fund) para sa Nature-based Solutions (NbS)

Aron masuportahan ang paglambo nga kauban ang tanan, ug pagpatuman ug pagpauswag sa mga proyekto sa NbS para sa pagpahiangay sa klima, usa ka Special Fund ang gitukod sa programa. Tumong sa Special Fund ang:

• Mapalig-on ang kapasidad sa kababay-enan ug komunidad sa pagpalambo, pagdisinyo ug pagpatuman og NbS nga adunay kaayohan sa biodiversity;
• Siguradohon ang partisipasyon sa kababay-enan ug komunidad sa pagprotekta, pagpahimsog ug pagpabalik sa ekosistema ug biodiversity; ug
• Pagpanalipod ug pagpalambo sa biodiversity nga nagahatag og daghang ug lain-laing mga maayong epekto ug serbisyo gikan sa ekosistema.

Ang disinyo ug pagpatuman sa mga proyekto nga sakop sa Special Fund kinahanglan muuyon sa Results Framework 2023-2027 sa Foundation, samtang palapdan ang malahutayong pagdumala sa kalasangan hangtod sa baybay ug kadagatan, para sa yuta, tubig, ug biodiversity, ug sa pagpasiugda sa nature-based nga aksyong pang-klima. Suportahan niini ang mga proyekto nga makapahimutang og mga estratehiya nga partisipatibo ug naay lapad nga koordinasyon, nga magtugot sa Programa nga matubag ang nagkalain-laing lokal nga panginahanglan, samtang makasuporta sa nasudnong pasalig ug tumong.

Suportahan sa Special Fund ang tulo ka klaseng grant sulod sa dagan sa Programa: (1) site-based grants alang sa pagpatuman sa NbS; (2) thematic grants aron ipasundayag ang NbS; ug (3) public support grants aron mulahutay ang suporta sa publiko alang sa NbS. Kining partikular na Request for Proposals naglangkob sa mga aplikasyon para sa Site-based Grants sa Davao.

III. Site-based Grants: Sakop nga Lugar ug mga Prayoridad nga Isyu

Kini usa ka Request for Proposals alang sa NbS sa Davao, nga magpokus sa mga paningkamot sa Sumlog-Cuabo River Watershed. Kining mga target na lugar naglakip sa mga mosunod nga mga barangay:

Sumlog-Cuabo River Watershed
Banaybanay	Brgy. Cabangcalan Brgy. Caganganan Brgy. Calubihan Brgy. Causwagan Brgy. Mahayag Brgy. Maputi Brgy. Mogbongcogon	Brgy. Panikian Brgy. Piso Proper Brgy. Poblacion Brgy. Punta Linao Brgy. Rang-ay Begy. San Vicente
City of Mati	Brgy. Culian Brgy. Danao Brgy. Libudon	Brgy. Sainz Brgy. Sanghay Brgy. Taguibo
Lupon	Brgy. Bagumbayan Brgy. Cabadiangan Brgy. Calapagan Brgy. Cocornon Brgy. Corporacion Brgy. Don Mariano Marcos Brgy. Ilangay Brgy. Langka Brgy. Lantawan Brgy. Limbahan Brgy. Macangao	Brgy. Magsaysay Brgy. Mahayahay Brgy. Maragatas Brgy. Marayag Brgy. New Visayas Brgy. Poblacion Brgy. San Isidro Brgy. San Jose Brgy. Tagboa Brgy. Tagugpo
Maragusan	Brgy. Bagong Silang
Pantukan	Brgy. Araibo Brgy. Las Arenas	Brgy. Napnapan Brgy. Tag-Ugpo
San Isidro	Brgy. Lapu-lapu Brgy. Manikling	Brgy. San Roque

Aron masiguro ang pagkaepektibo ug pagkaangay sa Programa sa pagtubag sa mga tumong kabahin sa klima, biodiversity, ug pagkapatas sa kinatawhan (gender equality) pinaagi sa NbS nga angay sa panginahanglan ug kapasidad sa kinatawhan (gender-responsive), gipahigayon ang Vulnerability and Risk Assessment (VRA) ug Gender-Based Analysis-Plus (GBA Plus) sa mga target nga lugar. Pwede makapangayo og kumpletong report kabahin ani. 

Sa ubos gipakita ang resulta sa mga pagsusi. Kini ang basehan sa pag-ila sa mga prayoridad nga isyu nga kinahanglan tubagon, ug mga klase sa kalihokan nga mahimong masuportahan.

Resulta sa Vulnerability and Risk Assessment (VRA)

• Ang kadaghan sa ulan ug ubos nga kahitas-an sa yuta ang hinungdan sa taas nga peligro sa pagbaha sa Sumlog-Cuabo River Watershed. Panahon sa baha, ang tubig mosunod sa ubos nga topograpiya, busa ang mga barangay nga nahimutang sa mga patag ug ubos nga lugar hilabihan ka bulnerable sa pagbaha. Sa Brgy. Tagugpo sa Lupon, Davao Oriental, magtagbo ang duha ka dagkong agianan sa tubig nga gikan sa dako nga bahin sa Sumlog-Cuabo Rivers. Ang pagtagbo sa tubig sa maong lugar nagmugna og sobra nga tubig nga dili na makaya sa kapasidad sa agianan sa suba. Tungod niini, mobaha ang mga kasikbit nga lugar, lakip na ang Barangay Caganganan, Mogbongcogon, Rang-ay, Poblacion, Calubihan sa Munisipalidad sa Banaybanay, Davao Oriental ug ang Barangay Cabadiangan, Langka, Bagumbayan, Poblacion, Corporacion, Limbahan, Ilangay, Macangao, ug Cocornon sa Munisipalidad sa Lupon, Davao Oriental. Taas pud ang peligro sa pagbaha sa Cabangcalan, Panikian, Piso Proper, ug Causwagan sa Banaybanay, Davao Oriental.

• Ang mga hulga sa pagbanlas sa yuta tungod sa kusog nga ulan (rain-induced landslide o RiL) anaa sa ulohan nga bahin sa watershed, labi na sa mga bukid sa barangay sa Calapagan, Don Mariano Marcos ug Marayag sa Lupon, ug sa barangay Punta Linao, Maputi, ug Mahayag sa Banaybanay. Makita sab ang mga hulga sa RiL sa mga bukid sa Maragatas, San Isidro, Tagugpo, New Visayas, ug Cocornon sa Lupon, ug sa mga barangay Sanghay, Culian, Sainz, ug Taguibo sa Mati City. Gamay ra ang peligro sa landslide sa mga patag nga lugar tungod sa ubos nga kahitas-an ug patag nga yuta.

• Taas ang peligro sa storm surge (pagtaas sa tubig sa baybay inig unos) sa mga mabaw nga baybay sulod sa watershed. Pinakaapektado ang mga barangay nga duol sa baybay sama sa Piso Proper, Cabangcalan, Calubihan, Rang-ay, Mogbongcogon sa Banaybanay, ug Bagumbayan sa Lupon tungod sa ilang lapad ug ubos nga yuta nga dali kasudlan sa tubig sa panahon sa storm surge. Ginabanabana nga ang umaabot nga pagtaas sa lebel sa tubig-dagat makapalubog sa mga  pipila ka mga bahin sa baybay. Makapahinabo kini og coastal retreat o pagsulod sa baybayon padulong sa mga komunidad. Kini moresulta sa pag-igo sa storm surge sa mas daghang lugar, nga magpasamot sa peligro sa umaabot.   Ang gibanabana nga pagtaas sa tubig-dagat ug ang coastal retreat makapalala sa storm surge sulod sa watershed. Ang mga ubos nga lugar sa baybayon sa Banaybanay posibleng pinakaapektado.

• Ang tibuok Sumlog-Cuabo River Watershed mahimong maapektuhan sa kusog nga hangin inig bagyo. Tanang lugar nga maabot sa hangin delikado sa kusog nga hangin.

Resulta sa Biodiversity Assessment

Sa Sumlog-Cuabo Rivers Watershed, mga kahoy ang kadaghanan sa natala nga tanom samtang gamay ra ang mga herbal ug shrub species. Adunay 360 ka morpho-species nga naglangkob sa 249 ka genera ug 111 ka families nga nailhan sa Las Arenas ug Calapagan. Base sa Co’s Digital Flora of the Philippines, sa 360 nga nitala nga species, 65 (18.05%) ang nailhan nga endemic (species nga sa Pilipinas lang makit-an), 48 (13.33%) ang exotic (species nga gidala sa tawo), ug 182 (50.55%) ang native sa Pilipinas.

Sa 360 nga species nga nitala, 34 ang nailhan nga nangapeligro (threatened) kung diin 5 ka species ang kritikal nga nangapeligro (critically endangered o CR), 9 ang nangapeligro (endangered o EN), 15 ang bulnerable (vulnerable o VU), ug 10 ang sakop sa other threatened species (OTS). Makit-an sa lugar ang mga halangdon nga species sama sa critically endangered Xanthostemon bracteatus Merr. and Medinilla magnifica, ug ang endangered Heptapleurum albidobracteatum (Elmer) Lowry & G.M.Plunkett. 

Bulnerable ang biodiversity sa Sumlog-Cuabo River Watershed tungod sa nagkalain-laing presyur gikan sa tawo ug kinaiyahan. Ang mga dagkong hulga naglakip sa pagdaghan sa mga exotic ug invasive nga species, pagpadayon sa kaingin (slash-and-burn) nga pagpanguma, ug ang pagkadominante sa early-secondary growth nga mga lasang, nga nagapakita sa kasaysayan sa pagkaguba sa kalasangan.

Ang musunod nga table maghatag og mga detalye sa mga natukiban sa biodiversity assessment:

Biodiversity sa Sumlog-Cuabo River Watershed	Vulnerability
Flora Species360 morpho-species65 Endemic species182 Native species48 Exotic species34 Threatened species5 critically-endangered (CR)9 endangered (EN)15 vulnerable (VU)10 other threatened (OTS)	Presence of significant number of exotic/introduced species Prevalence of kaingin (slash and burn) farming practices Dominance of early-secondary growth forest

See the full list of species found in Sumlog-Cuabo Rivers Watersheds.

Resulta sa Gender-Based Analysis-Plus

• Ang kinaandang paglantaw sa katilingban ug gender nga naghulma sa partisipasyon sa kababay-enan, Indigenous Peoples, ug uban pang sektor. Bisan pa sa kinaandang panan-aw nga ang kababayen-an angay lang sa pag-atiman ug  sa mga “luwas” nga buluhaton, dako ilang papel sa pagdumala sa natural nga bahandi—nanguna sila sa mga nursery alang sa reforestation, pagbahin-bahin sa basura, pag-atiman sa mga lugar pangturismo, ug pag-organisa sa komunidad. Kasagaran kining ilang mga kontribusyon ginatan-aw lang nga boluntaryo ug walay bili, apan kini maoy pundasyon sa kalungtaran sa mga inisyatiba sa konserbasyon. Apan, padayon gihapon ang pagpahilayo sa kababayen-an ug uban pang gipahimulag nga sektor, sama sa persons with disabilities ug LGBTIQ+ nga mga indibidwal, sa mga proseso sa pagdesisyon ug akses sa rekurso tungod sa mga kinaandan nga paglantaw sa ilaha ug mga estruktural nga babag. Kinahanglan ang lig-on nga suporta sa institusyon—lakip na ang pagpalig-on sa ilang kapasidad, pag-ila sa ilang papel, ug akses sa mga gamit ug papel sa pagpangulo—aron masiguro ang ilang bug-os ug makahulogang partisipasyon sa pagdumala sa kinaiyahan.

• Adunay aktibong partisipasyon sa mga bulnerableng komunidad isip ahente sa pagbag-o, apan ginatan-aw lang sila nga mga benepisyaryo. Aktibo ang mga bulnerableng komunidad sa mga inisyatibang pangkinaiyahan, apan kasagaran gihapon silang ginatan-aw isip mga benepisyaryo ug dili ingon nga mga aktibong kabahin sa kausaban. Bisan pa sa ilang kontribusyon—sama sa mga Indigenous People nga lawom ang kaalam sa kinaiyahan ug kababayen-ang pirmi nga moboluntaryo sa mga aktibidad sa konserbasyon—kasagaran kining wala tagda, wala maapil sa desisyon, ug nangapugngan tungod sa gender ug katilingbanon nga herarkiya.

• Adunay mga mekanismo sa pagdesisyon apan kulang gihapon ang bug-os ug makahulugang partisipasyon. Nagkalahi ang mga pamaagi sa partisipasyon sa NRM sa Davao de Oro ug Davao Oriental, diin mas klaro ang partisipasyon sa mga komunidad sa Davao Oriental. Apan, sa duha ka probinsya, procedural lang gihapon ang kasagaran nga pagsabot sa inklusyon. Ang kababayen-an, LGBTIQ+, ug persons with disabilities anaa man sa pipila ka luna nga pangdesisyon, apan limitado gihapon ang ilang gahum ug epekto. Bisan pa mas daghan sa Davao Oriental ang kababayen-an nga lider ug mga babayeng tribal chieftain nga nagaapil sa diskusyon sa mga isyu sama sa pagmina, panagsa ra mahatagan og pagtagad sa mga pormal na programa ang mga isyu nga nakapokus sa gender, sama sa violence against women (VAW) ug kahimtang sa mga overseas Filipino workers (OFW).

• Kaalam sa mga katungod. Sa Davao de Oro ug Davao Oriental, nagkataas na ang kaalam sa komunidad sa mga katungod kabahin sa gender ug kinaiyahan pinaagi sa mga training gikan sa gobyerno ug mga learning session nga gihatag sa civil society organizations sa mosunod nga hilisgutan: anti-Violence Against Women and Children (VAWC), anti-trafficking, Revised Forestry Code, ug balaod sa biodiversity. Gihatagan og edukasyon ang komunidad kabahin sa balaod ug ilang papel sa pagpanalipod sa kinaiyahan. Apan, ang ilang kaalam kasagaran mabaw ra, ug kulang ang oportunidad, labi na para sa kababayen-an, aron ilang magamit ug maprotektahan ang ilang mga katungod sa pagpanalipod sa natural nga bahandi ug lokal nga pang-gobyerno.

• Akses ug kontrol sa rekurso ug paggamit sa teknolohiya.  Sa Davao de Oro, adunay panginabuhing kalihokan ang kababayen-an, apan napugngan sila sa limitadong akses, pagkalig-on sa mga gamit, tradisyonal nga gender roles, ug suporta sa mga institusyon. Apil sila sa mga organisasyong nakabase sa komunidad ug mga cooperative, apan gamay lang ang ilang kontrol sa mga gamit sama sa mga gamit sa plastic recycling, nga nagpaila sa panginahanglan og dugang nga training ug teknikal nga suporta. Sa Davao Oriental, kababayen-an ang kasagaran nga nagdumala sa praktikal nga paggamit sa natural nga bahandi, apan ang gahum ug kontrol sa mga gamit pang-ekonomiya nagpabilin sa mga kalalakin-an ug pormal nga institusyon. Pananglitan, sa sektor sa pagpangisda ug pagpanguma, kulang ang akses sa kababayen-an sa kapital ug produktibong rekurso nga makaapekto sa kalungtaran sa ilang mga organisasyon.

• Mga responsibilidad ug papel sa pagdumala sa natural nga bahandi. Kasagaran kababayen-an ang natahasan sa mga buluhaton nga luwas o domestik sama sa coastal clean-up, pagtrabaho sa nursery, ug pagbahin-bahin sa basura, samtang ang mga kalalakin-an maoy nagdominar sa mga pisikal ug bug-at nga buluhaton sama sa forest patrol ug Bantay Dagat. Adunay papel ang kababayen-an sa rehabilitasyon sa mangrove ug pagdumala sa mga lugar pangturismo, apan kasagaran dili kaayo ni ginahatagan og dagkong bili. Apil pud sila sa mga impormal nga trabaho sama sa landfill recycling, apan delikado kini ug kulang sa proteksyon. Samtang ang persons with disabilities ug LGBTIQ+ sagad lang ginapahimutang sa secretariat o mga “aesthetic” nga papel, ug kasagaran, ang mga kabatan-onan ginaapil lang isip volunteer.

• Mga Hagit ug Babag. Daghang mga hagit ang napadangat, labi na sa pag-atubang sa  epekto sa klima nga naay kalibutan sa gender ug sa pagpatuman sa Nature-based Solutions (NbS):
  • Davao de Oro. Ang mga sektor nga gipahimulag maoy labing apektado sa mga epekto sa klima sama sa pagbaha, pagbanlas sa yuta, kakuwang sa tubig, ug polusyon gikan sa mga extractive ug mono-cropping nga industriya, apan ang ilang partisipasyon sa NRM ug pagtubag sa disaster napugngan gihapon sa mga sistematikong babag. Dugang niini ang limitadong akses sa serbisyo kabahin sa HIV, pagtaas sa kaso sa pagkaburos sa mga tinedyer, ug kakulang sa kaalam sa sekswal ug reproductive nga panlawas.
  • Davao Oriental. Ang mga kabag-ohan tungod sa klima—gikan sa pagkadaot sa baybay ug pagbaha hangtod sa pakalit-kalit nga panahon ug pagmenos sa mga panginabuhian—hugot nga nalambigit sa lokal nga ekosistema. Bisan pa adunay mga komite sa NRM sa barangay level, limitado gihapon ang makahulugang partisipasyon sa mga gipahimulag nga  sektor tungod sa estruktural nga babag ug kakulang sa suporta.

• Mga oportunidad. Ang kababayen-an, Indigenous Peoples, kabatan-onan, ug LGBTIQ+ adunay aktibo nga partisipasyon sa mga inisyatiba sa klima ug kinaiyahan, nga nagbutyag ug mga lig-on nga oportunidad para sa inklusibong NbS ug estratehiya sa pagpahiangay sa klima.
  • Davao de Oro. Nangulo ang kababayen-an sa mga nursery para sa reforestation, pagdumala sa  materials recovery facilities (MRFs) sa barangay, ug pag-apil sa pagpanghatag og binhi ug sa ekoturismo, samtang ang mga grupo sa LGBTIQ+ groups nagaapil sa pagpananom og kahoy ug pagpalambo sa mga park. Bisan pa impormal ug kulang ang pagpasweldo, dako ang ilang kontribusyon sa mitigasyon sa klima ug lokal nga panginabuhi.
  • Davao Oriental. Nagpahiangay ang kababay-enan sa ilang panginabuhian taliwala sa pagbag-o sa klima – nagbalhin sila sa pananahi ug pagproseso sa pagkaon kon dili makapanagat, ug inig kalamidad, nakadawat sila og tabang nga sensitibo sa ilang gender sama sa hygiene kits. Apil pud sila sa mga programa sa Bantay Gubat, Bantay Dagat, IP councils, ug livelihood cooperatives, samtang ang lokal nga gobyerno nag-apil og gender sa ilang disaster nga training ug planning.

IV. Site-based Grants: Eligible Activities

Ang matag site-based grant makadawat og kantidad gikan Php 2 Million hangtod PhP 6 Million, nga adunay implementation period nga hangtod duha (2) ka tuig, sugod sa Oktubre 2025 pataas.

Ang site-based grants sulod sa Programa direkta nga musuporta sa NbS nga nakabase sa komunidad (community-based) ug angay sa panginahanglan ug kapasidad sa kinatawhan (gender-responsive) aron mapaubsan ang pagkabulnerable ug mapalambo ang kalig-on sa epekto sa pagbag-o sa klima sa mga target nga lugar. Kini nga mga NbS magatubag sa mga resulta sa VRA ug GBA Plus nga gihisgot sa taas.

Nakalista sa ubos nga table ang mga importanteng hulga ug mga lebel sa hulga nga gipaila sa VRA, ug mga posibleng NbS nga makatubag sa maong mga hulga. Ang site-based grants ihatag sa mga proyekto nga nagtinguha sa pagpatuman sa mga NbS, apan dili kini limitado sa mga nakalista. Ginadasig ang mga proponent nga magpaila og uban pang NbS nga bag-o o natestingan na, labi na ang mga nakabase sa lokal nga kasinatian o kaalam.

Summary of Risk Assessment in Sumlog-Cuabo River Watershed

(List of Barangays per Exposure Units)

Hazard	Community Risks	Ecosystem Related Risk	Potential NbS
Flooding	39 residential barangays have intermediate to very high risk from flood hazard. Approximately 1,355 to 4,270 households are at intermediate to high risk from flood hazard.	Forest areas of 38 barangays have intermediate to very high risk from flood hazard. All barangays with agriculture and coastal areas have intermediate to very high risk from flood hazard.	Flood mitigation initiatives (e.g., women-led reforestation, afforestation, natural water retention ponds, soil erosion control) Urban greening (e.g., green spaces, green walls)  Community-based forestry and agroforestry (e.g., alley cropping, forest farming, using flood- and salt-resistant crops)
Rain-induced Landslides	20 residential barangays have intermediate to very high risk from rain-induced landslides.Approximately 651 to 815 households are at intermediate to very high risk from rain-induced landslides.	Forest areas of 31 barangays have intermediate to very high risk from rain-induced landslides.Agriculture areas of 34 barangays have intermediate to very high risk from rain-induced landslides. 2 coastal barangays have low to intermediate risk from rain-induced landslides.	Reforestation/ Afforestation of the headwaters of the watershedPioneer and fast-growing species that can be used for reforestation and/or afforestation found in the watersheds are the; Balinghasai (Buchanania arborescens), Anabiong (Trema orientale), Binunga (Macaranga tanarius), Kariskis (Albizia lebbekoides), Narra (Pterocarpus indicus), Hauili (Ficus septica), Bangkoro (Morinda citrifolia), (Artocarpus multifidus). Talisai (Terminalia catappa), Banato (Mallotus philippensis), Banaba (Lagerstroemia speciosa), Anislag (Securinega flexuosa), Bakauan gubat (Carallia brachiata), Badyang (Alocasia portei), and Pianga (Madhuca obovatifolia). Strengthening of riverbanks that are prone to slope failure (e.g., use of vetiver grass, establishing freshwater mangrove, bamboo propagation)Species found in the watersheds that can help in strengthening riverbanks and protect soil from erosion are the Kayong (Glochidion littorale), Bitongol (Flacourtia rukam), and Ambalag (Mischocarpus pentapetalus), Anislag (Securinega flexuosa). Community-based forestry and agroforestry
Storm Surge	9 residential barangays have intermediate to high risk from storm surge.Approximately 3 to 163 households are at intermediate to high risk from storm surge.	Agriculture areas of 2 barangays have intermediate risk from storm surge. 9 coastal barangays have low to intermediate risk from storm surge. All barangays with forest areas have no risk from storm surge.	Mangrove forest protection, reforestation, and windbreaksSpecies found in the watersheds that can help in windbreaks are the: Bitaog (Calophyllum inophyllum) and Pandan dagat (Pandanus tectorius).
Storm surge with sea level rise	9 residential barangays have intermediate to very high risk from storm surge with sea level rise. Approximately 8 to 364 households are at intermediate to very high risk from storm surge with sea level rise.	Agriculture areas of 2 barangays have intermediate risk from storm surge.9 coastal barangays have low to high risk from storm surge.All barangays with forest areas have no risk from storm surge.	Mangrove forest protection, reforestation, and windbreaks
Severe Winds	All populated areas have high to very high risk from severe wind. All households are at intermediate to high risk from severe wind.	All barangays with  forest areas and coastal areas  have a high to very high risk from severe wind.  All barangays with agriculture areas have intermediate to very high risk from severe wind.	Mangrove forest protection, reforestation, and windbreaksSpecies found in the watersheds that can help in windbreaks are the: Bitaog (Calophyllum inophyllum) Urban Greening/Forestry

*Baseline (5 yr, 25 yr, 100 yr RRP), RCP 4.5 2039 (5 yr, 25 yr, 100 yr RRP), RCP 4.5 2065 (5 yr, 25 yr, 100 yr RRP), RCP 4.5 2099 (5 yr, 25 yr, 100 yr RRP) RCP 8.5 2039 (5 yr, 25 yr, 100 yr RRP), RCP 8.5 2065 (5 yr, 25 yr, 100 yr RRP), RCP 8.5 2099 (5 yr, 25 yr, 100 yr RRP)

Adunay prayoridad sa mga proposed NbS nga nagapalig-on sa kapasidad sa kababayen-an ug nagapadasig sa ilaha nga mangulo sa pagplano sa proyekto, pagpatuman ug pagdumala sa natural nga bahandi. Ginadasig ang mga proponent nga tubagon ang mga katilingbanon ug gender-related nga isyu kabahin sa pagka-bulnerable sa mga komunidad, nga gituki sa GBA Plus. Sulod sa implementasyon, mahimo nga mapaila, matestingan, o mapatuman ang mga kalihokan nga adunay kalambigitan sa kinatawhan ug inobasyon aron masuportahan ang epektibo nga pagmugna sa mga resulta.

Subay sa mga gihisgot nga kalihokan, posible pud nga maglakip ang mga proposal og mga mosunod nga kapareho nga kalihokang musuporta sa NbS, basta klarong prayoridad ang NbS:

• Pagpalambo ug paglain-lain sa mga gender-responsive nga negosyo sa komunidad ug malahutayong panginabuhian, nga nagasubay sa pagpanalipod sa biodiversity;
• Serbisyo kabahin sa pagpa-legal ug paparehistro sa mga kalihokan sa mga organisasyon, grupo, ug indibidwal nga miyembro;
• Pagpatuman sa mga community-based nga kalihokan nga muprotekta sa kalasangan o baybay (sama sa patrolling, kagamitan, ug tools);
• Lokal nga panag-uban o partnership nga nagalambigit sa daghan ug nagkalain-laing sektor, ug pagpalig-on sa mga organisasyon; ug/o
• Pagpakusog sa mga komunidad ug pagpatuman og gender empowerment nga kritikal sa proteksyon sa mga ekosistema.
• Pagtukod og sistema sa pagkaon nga nakabase sa komunidad (sama sa communal garden, urban nga pagpanguma ug farmers market) aron masuportahan ang pagkamalahutayon sa pagkaon.

Ginadasig ang mga proponent nga magmugna og mga proyekto nga nagasubay sa mga plano ug framework sa lokalidad o komunidad, ug pagtagad sa miaging proyekto nga napatuman sa komunidad.

V. Site-based Grants: Angayan nga Recipients

Ang mga angayan o eligible nga mudawat sa site-based grant kay para sa mga proponent nga interesado sa pagpatuman og mga proyekto sa target nga mga lugar sa Davao de Oro ug Davao Oriental. Ang mosunod ang mga entidad nga kwalipikado nga makadawat og pondo sulod sa Programa:

• Non-government organizations (NGOs) nga aktibo sa Pilipinas nga nagalihok sa environmental conservation, development, education, scientific research, ecosystems management, gender equality, ug uban pang pareho nga sektor. Ang NGOs nagpasabot sa mga non-government organizations nga nakarehistro sulod sa balaod sa Pilipinas;
• Mga organisado, ilado o/ug rehistrado nga community-based organization, people’s organization (POs), indigenous peoples’ organization (IPOs), ug/o women’s rights organization (WROs) nga nagalihok sa environment ug/o development field; ug
•  Uban pang angay nga lokal o regional nga entidad nga aktibo sa Pilipinas.

Mahimong ang implementasyon kay pinaagi sa proyekto sa usa ka organisasyon, o sa pagtinabangay sa daghang organisasyon sulod sa isa ka consortium nga adunay kasabutan nga mukab-ot og partikular nga resulta, pananglitan, ang pagsuporta sa isa ka project outcome, mga kasabutan sa konserbasyon, o isa ka proyekto nga nakabase sa local development plans.

Adunay prayoridad nga ihatag sa mga organisasyon nga musuporta sa katungod sa kababay-enan.

Ginadasig ang mga proponent nga maghatag og kumpirmasyon sa suporta gikan sa partner or target nga komunidad, ug nga mapakita ang natukod na nga mga partnership o kalambigitan sa angay nga local government unit(s).

VI. Site-based Grants: Proseso sa Pag-aplay

Para makaaplay og site-based grant, kinahanglan magpasa ang mga angay nga organisasyon og mga mosunod nga kinahanglan para sa proposal:

Requirements para sa Project Proposals

Full Proposal	✓
Annex A. Work and Budget Plan	✓
Annex B: Project Monitoring and Evaluation Framework	✓
Annex C: Proponent Information Sheet	✓

Mahimong i-download ang full proposal ug uban pang template sa Grant Portal sa Forest Foundation website, nga makita diri sa link, ug/o pagsulat og email sa pcp4nbs@forestfoundation.ph.

Kinahanglan mapasa ang kumpletong proposal sa Grant Portal sa o bag-o mag 5:00 pm (Philippine Time) sa July 4, 2025.

VII. Site-based Grants: Evaluation sa Proposal ug Pag-apruba

Muagi og inisyal nga evaluation ang mga project proposal aron masiguro ang ilahang kalidad ug pagkakumpleto sa disinyo ug teknikal nga aspeto. Ang mga proposal nga makakab-ot sa maong mga sumbanan kay i-evaluate sa Program Committee sa Foundation, nga mohimo og mga rekomendasyon alang sa Board of Trustees (BOT) nga maoy mupili sa mga proyekto nga pondohan.

Gitinguha nga ipasiugda sa mga proyekto ang kalambigitan sa climate-biodiversity-gender, ug nga mouyon ang ilang mga planong kalihokan ug outputs sa target outcomes ug mga prayoridad sa Programa. I-evaluate ang mga  proposals sa pamaagi nga naglantaw sa kinatibuk-an sa proyekto, pinasikad sa mosunod: (a) kinatibuk-ang sumbanan sa kalidad, posibilidad nga makalampus, ug pag-uyon sa Logic Model sa Programa (tan-awa ang Figure 1); (b) sumbanan nga partikular sa NbS; ug (c) ubang pang sumbanan nga mosuporta sa NbS.

Kinahanglang makab-ot sa mga proposal ang kinatibuk-ang sumbanan ug mapakita nga ang proyekto isa ka NbS. Samtang dili kinahanglan nga ang sumbanan musuporta sa NbS, posible gihapon niini mapalig-on ang proposal.

Kinahanglan makab-ot sa proposal ang mosunod nga kinatibuk-ang sumbanan o general criteria:

1. Teknikal nga kalidad ug posibilidad nga makalampos;
2. Pinansyal nga kalig-on ug posibilidad nga makalahutay;
3. Kalidad sa sosyal o katilingbanong aspeto;
4. Kapasidad sa organisasyon nga magpatuman og proyekto;
5. Klarong mga resulta nga adunay taas nga posibilidad nga makab-ot sulod sa gipaila nga budget ug panahon; ug
6. Pagkauyon sa mga gidahom nga resulta (mga output ug outcome) sa Logic Model sa Programa (tan-awa ang Figure 1).

Kinahanglan mapakita sa proposal nga usa ka nature-based solution ang proyekto pinaagi sa pagtubag sa mosunod:

1. Mitubag ba ang proyekto sa mga prayoridad nga isyu nga gipaila sa VRA ug GBA Plus?
2. Gitubag ba sa proyekto ang mga panginahanglan kabahin sa pagpahiangay sa kabag-ohan sa klima (climate change adaptation)?
3. Naglakip ba kini sa mga kalihokan nga nagapahiuli, nagadumala, ug/o nagapanalipod sa mga ekosistema ug mga bahandi niini?
4. Nagatumong ba kini sa pagsulbad sa isa ka katilingbanong hagit, labaw pa sa simpleng conservation sa kinaiyahan?
5. Nagahatag ba kini og daghan ug nagkalain-laing mga benepisyo gikan biodiversity?
6. Nagapadasig ba ang disinyo ug implementasyon sa pagkapatas sa kinatawhan (gender equality)?

Mahimong mapakusgan ang proposal pinaagi sa pagtubag sa mga mosunod nga pangutana, nga nagapasiugda og suporta sa NbS. Dili kini kinahanglan, apan opsyonal lang:

1. Nagasuporta ba ang proyekto sa pagpalambo sa gender-responsive nga negosyo sa komunidad ug malahutayong panginabuhian, subay sa pagprotekta sa biodiversity?
2. Nakatabang ba ang proyekto sa pagpalig-on sa mga organisasyon ug pagpadasig sa partnership nga kauban ang nagkalain-laing sektor?
3. Nakatabang ba kini sa pagpakusog sa komunidad ug pagpatuman og gender empowerment sa lugar?
4. Nagasuporta ba kini sa pag-ambit og kahibalo gikan sa nagkalahi-lahi nga  mga kaalam (transdisciplinary knowledge sharing), estratehikong komunikasyon, ug/o mga pamaagi sa pagtuon ug mga proseso alang sa pagpatukod og kapasidad sa NbS padulong sa kabag-ohan?
5. Nagatubag ba ang proyekto sa ubang pang mga sumbanan sa NbS criteria sulod sa IUCN Global Standard for NbS?

Ang mga mapili nga makadawat og grant kay ipahibalo sa Foundation sa publiko og sa  makadawat (grantee). Pagkaaprobar sa proposal, mupirma ang Foundation ug ang grantee og legally-binding nga Special Fund Agreement.

VIII. Timeline

Ang mosunod ang timeline para niining round sa proposals alang sa site-based grants:

Proposal Submission and Evaluation Timeline

Activity	Indicative Schedule
Request for Proposals (Issuance)	June 4, 2025
Project Development Workshop	June 3-4, 2025
Deadline for Technical Questions	June 20, 2025
Deadline of Submission of Proposals	July 4, 2025
Proposal Evaluation	July – August 2025
BOT Deliberation	September 2025
Announcement of Results	September – October 2025
Project Implementation	October 2025 onwards

Usa ka Project Development Workshop ang ipahigayon aron makahatag og ubang pang impormasyon kabahin sa Programa, sakop sa site-based grants, ug mga klase sa proyekto nga mahimong suportahan. Maghatag pud og teknikal nga tabang ang workshop kabahin sa proseso sa pag-aplay sa grant aron mapalig-on ug mapakusog ang mga proposal. Ginaimbitahan ang tanang eligible proponents para sa mga proyekto sa Davao. Kung gikinahanglan, posible nga makapahigayon og dugang nga sesyon kabahin sa pagpalambo sa proposal ug sa proseso sa pagpasa.

Mahimo ikontak ang Foundation gamit ang email (pcp4nbs@forestfoundation.ph) kung nanginahanglan og tabang sa pagpalambo sa proposal. Para sa mga pangutanang teknikal, o mga pangutana kabahin sa Evaluation sa Proposal ug Pag-apruba base sa Section VII, mahimo nga ikontak ang Foundation hangtod 5:00 pm (Philippine Time) sa  June 20, 2025. 

Kinahanglan mapasa ang tanang proposal pinaagi sa Forest Foundation Grant Portal bag-o o sa 5:00 pm (Philippine Time) sa July 4, 2025. Ang mga proposal nga madawat pagkahuman sa deadline posible gihapon ma-evaluate, apan nakadepende kini kung aduna pay pondo, ug/o posible pud nga maapil kini sa mga mosunod nga Request for Proposals.

IX. Contact

Philippines-Canada Partnership on Nature-based Solutions (NbS) for Climate Adaptation (PCP4NbS)

Forest Foundation Philippines
1F Valderrama Bldg., 107 Esteban St., Legaspi Village
1229 Makati City, Philippines

PCP4NbS Phone: (+63 2) 8716 4067; 
Forest Foundation Phone: (+63 2) 8891 0595; (+63 2) 8864 0287

Forest Foundation Website | PCP4NbS Website l Grant Portal

Facebook | Instagram | Youtube | X

Email: pcp4nbs@forestfoundation.ph